കൊവിഡിന്റെ പുതിയ വകഭേദമായ ഒമിക്രോണ് വൈറസ് ഇന്ത്യയിലും സ്ഥിരീകരിച്ചുവെന്ന് കേന്ദ്ര ആരോഗ്യ സെക്രട്ടറി ലവ് അഗര്വാള്. കര്ണാടകയിലെത്തിയ രണ്ട് ദക്ഷിണാഫ്രിക്കന് പൗരന്മാര്ക്കാണ് വൈറസ് സ്ഥിരീകരിച്ചത്.
നവംബര് 11നും 12നും ബെംഗളൂരുവില് എത്തിയ 66, 46 വയസുള്ള രണ്ട് പുരുഷന്മാര്ക്കാണ് രോഗം സ്ഥിരീകരിച്ചതെന്ന് ആരോഗ്യമന്ത്രാലയ ജോയിന്റ് സെക്രട്ടറി ലവ് അഗര്വാള് വാര്ത്താ സമ്മേളനത്തില് പറഞ്ഞു.
ബെംഗളൂരുവിലെത്തിയ ശേഷം നടത്തിയ ആദ്യ രണ്ടുഘട്ട പരിശോധനയിലും ഇരുവരും കൊവിഡ് പോസിറ്റീവായിരുന്നു. തുടര്ന്ന് ഇരുവരേയും നിരീക്ഷണത്തിലേക്ക് മാറ്റിയിരുന്നു. പിന്നീട് സാമ്പിളില് ചില വ്യത്യാസങ്ങള് കണ്ടതിനെ തുടര്ന്ന് നടത്തിയ ജനിതക ശ്രേണീകരണത്തിലാണ് ഇരുവര്ക്കും ഒമിക്രോണ് വകഭേദം സ്ഥിരീകരിച്ചത്
അതേസമയം, ആശങ്ക വേണ്ടെന്ന് ലവ് അഗര്വാള് അറിയിച്ചു. രാജ്യത്ത് ഒമിക്രോണ് സ്ഥിരീകരിച്ചതിനെ തുടര്ന്ന് പരിശോധന കൂട്ടാന് സംസ്ഥാനങ്ങള്ക്ക് കേന്ദ്രം നിര്ദേശം നല്കി. ഇവരുമായി സമ്പര്ക്കമുള്ളവരെ നിരീക്ഷണത്തിലാക്കിയിരിക്കുകയാണ്.10 പേരുടെ പരിശോധന ഫലം കൂടി വരാനുണ്ടെന്നും ആശങ്ക വേണ്ടെന്നും ആരോഗ്യമന്ത്രാലയം അറിയിച്ചു.
ഇതുപോലുള്ള പോസ്റ്റുകൾ വാട്ട്സ്ആപ്പിൽ ലഭിക്കാൻ ഇൻസൈഡ് ഒമാൻ WhatsApp ഗ്രൂപ്പിൽ ജോയിൻ ചെയ്യുക . https://chat.whatsapp.comi/He2lwsTckAu5Zf3cAE2Kfm