യോഗ്യരായവർ teachers@odepc.in എന്ന ഇ-മെയിലിൽ ജനുവരി 20നകം ബയോഡേറ്റ അയയക്കണം
മസ്കത്ത് :കേരള സർക്കാർ തൊഴിൽ വകുപ്പിന് കീഴിലെ സ്ഥാപനമായ ഓവർസീസ് ഡെവലപ്പ്മെന്റ് ആൻഡ് എംപ്ലോയ്മെന്റ് പ്രമോഷൻ കൺസൾട്ടന്റ്സ് ലിമിറ്റഡ് (ഒഡെപെക്) മുഖേന ഒമാനിലെ ഇന്ത്യൻ സ്കൂളിലിൽ നിയമനം നൽകുന്നു. അധ്യാപക, അനധ്യാപക തസ്തികകളിലേക്കാണ് അപേക്ഷ ക്ഷണിച്ചിരിക്കുന്നത്. യോഗ്യരായവർ teachers@odepc.in എന്ന ഇ-മെയിലിൽ ജനുവരി 20നകം ബയോഡേറ്റ അയയ്ക്കണമെന്ന് ഒഡെപെക് അറിയിച്ചു.
തസ്തിക, യോഗ്യത
കിൻഡർഗാർട്ടൻ ടീച്ചർ:
-ബിരുദം, മോണ്ടിസ്സോറി ടീച്ചർ ട്രെയിനിംഗ്.
ഇംഗ്ലിഷ്, സയൻസ്, ഫിസിക്സ്, കെമിസ്ട്രി, കണക്ക് വിഷയങ്ങളിൽ പ്രൈമറി/ സെക്കൻഡറി ടീച്ചർ
-അതതു വിഷയങ്ങളിൽ ബിരുദം/പിജി+ബിഎഡ്
ഐസിടി
-കംപ്യൂട്ടർ സയൻസിൽ പിജി +HTML CSS, Python, MS-Office, GSuite എന്നിവയിൽ പ്രാവീണ്യം.
ഫിസിക്കൽ എജ്യുക്കേഷൻ ടീച്ചർ (വനിത):
-ഫിസിക്കൽ എജ്യുക്കേഷനിൽ ബിരുദം.
വൈസ് പ്രിൻസിപ്പൽ (വനിത)
-പിജി+ബിഎഡ്
അഡ്മിനിസ്ട്രേറ്റിവ് അസിസ്റ്റന്റ് (വനിത)
-ബിരുദം +MS Office, GSuite എന്നിവയിൽ പ്രാവീണ്യം. സി ബി എസ് ഇ/ഐ സി എസ് ഇ സ്കൂളിൽ മൂന്ന് വർഷ പരിചയം വേണം.
പ്രായം
40 ൽ താഴെ
ശമ്പളം
ടീച്ചർ (300-350 ഒമാനി റിയാൽ)
വൈസ് പ്രിൻസിപ്പൽ (600-700 ഒമാനി റിയാൽ)
അഡ്മിനിസ്ട്രേറ്റിവ് അസിസ്റ്റന്റ് (250 ഒമാനി റിയാൽ).
മറ്റു ആനുകൂല്യങ്ങൾ
വിസ
ആരോഗ്യ സംവിധാനം
വർഷത്തിൽ ഒരു ടിക്കറ്റ്
അതേസമയം, യു എ ഇയും തുർക്കിയും ഉൾപ്പെടെ വിവിധ രാഷ്ട്രങ്ങളിൽ അർധ സർക്കാർ സ്ഥാപനങ്ങളിൽ അടക്കം ഒഡെപെക് വഴി നിയമനം ലഭിച്ചിരുന്നു. 2016 മെയ് മുതൽ 2024 ജനുവരി 11വരെയുള്ള ഏഴുവർഷത്തിനിടെയാണ് 3405 ഒഡെപെക് വഴി ജോലി ലഭിച്ചത്. ഏറ്റവും കൂടുതൽ നിയമനം ലഭിച്ചത് സഊദി അറേബ്യയിലേക്കാണ്, 1255 പേർ.
ഒമാന് പുറമെ ബഹ്റൈൻ, കുവൈത്ത്, ഖത്വർ എന്നീ ഗൾഫ് രാഷ്ട്രങ്ങളും മാലദ്വിപ്, അമേരിക്ക, ഉസ്ബെക്കിസ്ഥാൻ, ബൽജിയം, ജർമനി, ഡെന്മാർക്ക് എന്നീ രാജ്യങ്ങളിലും ഒഡെപക് വഴി ആളുകൾക്ക് ജോലി കിട്ടി. കേരളത്തിന് പുറത്ത് താമസിക്കുന്ന 101 പേർക്കും ഒഡെപെക്കിന്റെ സഹായം ലഭിച്ചിട്ടുണ്ട്. 46 വർഷത്തിനിടെ പതിനായിരംപേർക്കാണ് ഒഡെപെക് വഴി ജോലി ലഭിച്ചിരിക്കുന്നതെന്നാണ് കണക്കുകള്.
