ചരിത്രവും പൈതൃകവുമുറങ്ങുന്ന ഒമാനിന്റെ വർത്തമാനം വിസ്മയാവഹമായ മുന്നേറ്റങ്ങളുടേതാണെന്ന് ഡോ. പി മുഹമ്മദലി പറഞ്ഞു. ഐ സി എഫ് ഒമാൻ “സ്‌പെക്ട്ര 22′ ഉദ്ഘാടനം ചെയ്ത് സംസാരിക്കുകയായിരുന്നു അദ്ദേഹം. നിശ്ചയദാർഢ്യത്തിന്റെയും ഭാവനാസമ്പന്നമായ ആശയാവിഷ്‌ക്കാരത്തിന്റെയും പ്രതിഫലനങ്ങളാണ് ഒമാനിൽ ഇന്നു കാണുന്ന വിസ്മയമുന്നേറ്റങ്ങൾ. അവികസിതമായ ഒരു രാജ്യം ചെറിയ കാലയളവുകൊണ്ട് വലിയ വികസന സ്വപ്‌നങ്ങളാണ് യാഥാർത്ഥ്യമാക്കിയത്. വികസന മുന്നേറ്റത്തോടൊപ്പം ലക്ഷക്കണക്കിന് പ്രവാസികൾക്ക് സംതൃപ്തമായ ഉപജീവന മാർഗങ്ങളുമൊരുക്കിയ ഈ രാജ്യത്തിന്റെ ഭരണാധികാരികളെ അനേകം മനസുകൾ പ്രാർത്ഥനയോടെ ഓർത്തു കൊണ്ടേയിരിക്കുമെന്നും അദ്ദേഹം പറഞ്ഞു.