ഒമാനിലെ കേരള വീട്.? പിന്നാമ്പുറ കഥകൾ തേടി ഒരു യാത്ര

കുറച്ചു കൂടി വിശദമായി പറഞ്ഞാൽ.

ഗുജറാത്തിൽ നിന്നും ഒമാനിൽ ആദ്യകാലത്തു കുടിയേറിയ ഹരിദാസ് എന്ന ഒമാനി പൗരനായ വ്യക്തിയുടേത് ആണ് ഈ സ്ഥലം. ഇതൊരു ഫാം ആയിരുന്നു. അദ്ദേഹം അദ്ദേഹത്തിന്റെ തൊഴിലാളികൾക്കു താമസിക്കുന്നത് വേണ്ടി പണിത വിശാലമായ ലേബർ ക്യാമ്പ് ഇവിടെ ഉണ്ടായിരുന്നു. അതിൽ കുറച്ചു കേരള കർണാടകം ഭാഗത്തു നിന്നും തുളു സംസാര ഭാഷ ആയിട്ടുള്ള ആളുകൾ അഥവാ ഷെട്ടിമാർ, അവർക്കു അവരുടെ നാടിന്റെ ഓര്മ നില നിർത്താൻ ലേബർ ക്യാമ്പിനോട് അനുബന്ധമായി നിർമിച്ച ഒരു വീട് ആണ് ഇത്. നാലഞ്ചു വര്ഷങ്ങള്ക്കു മുമ്പ് അതിനു ചുറ്റും വയലും ഫാമുകളും ഒക്കെ ഉണ്ടായിരുന്നു. വയലുകളുടെയും തോട്ടങ്ങളുടെയും ഒക്കെ നടുവിൽ നിൽക്കുന്ന ഈ നാടൻ വീട് അവർക്ക് അവരുടെ നാടിന്റെ ഓർമ്മകൾ സമ്മാനിച്ചിരുന്നു. എന്നാൽ ഇപ്പോൾ അതിനു ചുറ്റും ഫാമുകളോ മറ്റു കൃഷികളോ വയലോ ഒന്നും ഇല്ല. എല്ലാം നികത്തി കഴിഞ്ഞു. ഇനി ഈ വീട് മാത്രമേ ബാക്കി ഉള്ളു. അതും സംരക്ഷിക്കാൻ ആളുകൾ ഇല്ലാതെ ഇങ്ങനെ കിടക്കുന്നു.