മസ്കറ്റ് : മസ്കറ്റ് കെഎംസിസി മബേല ഏരിയാ കമ്മറ്റിയുടെ പത്താം വാർഷിക മഹാ സമ്മേളനങ്ങളുടെ ഭാഗമായി മബെല കെഎംസിസി യും മബെല കൂട്ട് കറി റെസ്റ്റോറന്റും സംയുക്തമായി ബിരിയാണി ഫിയസ്റ്റ 2023 എന്ന പേരിൽ സംഘടിപ്പിക്കുന്ന ചിക്കൻ ബിരിയാണി പാചക മത്സരം ഇന്ന്. റുമൈസ് ഫാം ഹൗസിൽ വച്ച് നടക്കുന്ന മത്സരത്തിൽ മുൻ‌കൂർ രെജിസ്റ്റർ ചെയ്ത അൻപതോളം മത്സരാർത്ഥികൾ പങ്കെടുക്കും. ഒന്നും രണ്ടും മൂന്നും സ്ഥാനങ്ങൾ നേടുന്നവർക്ക് ആകർഷകമായ സമ്മാനങ്ങൾ നൽകും. പരിപാടിയോടനുബന്ധിച്ചു കുട്ടികൾക്കായുള്ള വിവിധ ഗെയിമുകളും സംഘടിപ്പിച്ചിട്ടുണ്ടെന്നു മബേല കെഎംസിസി ഭാരവാഹികൾ പത്രക്കുറിപ്പിൽ അറിയിച്ചു.
