കോവിഡ് ഭീതിയൊഴിഞ് നിയന്ത്രണങ്ങൾ എല്ലാം മാറി തുടങ്ങിയതോടെയാണ് വിവിധ പൊതു പരിപാടികൾക്ക് ഒമാനിൽ അരങ്ങൊരുങ്ങിയത്. മുസ്ലിം ലീഗിന്റെയും യൂത്ത് ലീഗിന്റെയും പ്രമുഖ നേതാക്കൾ തൊട്ടടുത്ത വ്യാഴം വെള്ളി ദിവസങ്ങളിൽ പൊതു പരിപാടികളിൽ പങ്കെടുക്കുക വഴി അക്ഷരാർത്ഥത്തിൽ പൊടിപാറുന്ന വാരാന്ത്യം ആണ് ഒമാനിലെ കെഎംസിസി പ്രവർത്തകർക്ക്. പ്രവർത്തകർക്ക് കുടുംബത്തോടെ പങ്കെടുക്കാം എന്നതാണ് ഇരു പരിപാടികളുടെയും പ്രത്യേകത. ഇതിന്റെ ആവേശം വിവിധ കെഎംസിസി ക്യാംപുകളിൽ നിന്നുയരുന്നുണ്ട്.