മസ്‌കത്തിൽ നിന്ന് കണ്ണൂരിലേക്കു മാത്രമാണ് നിലവിൽ എയർ ഇന്ത്യ സർവീസ് നടത്തുന്നത്. ആഗസ്ത് 21ന് മുമ്പ് ടിക്കറ്റ് എടുക്കുന്നവർക്ക് 36 റിയാലാണ് ടിക്കറ്റ് നിരക്ക്. ഈ ടിക്കറ്റിൽ യാത്ര ചെയ്യാനുള്ള അവസാന തീയതി ഒക്ടോബർ 15 ആണ്. ആഴ്ചയിൽ മൂന്ന് സർവീസുകളാണ് എയർ ഇന്ത്യ നടത്തുന്നത്. ചൊവ്വ, വെള്ളി, ഞായർ ദിവസങ്ങളിൽ വൈകീട്ട് 4.30ന് മസ്‌കത്തിൽ നിന്ന് പുറപ്പെടുന്ന വിമാനം പ്രാദേശിക സമയം രാത്രി 9.20ന് കണ്ണൂരിൽ എത്തും. കണ്ണൂരിൽ നിന്ന് രാത്രി 10.20ന് പുറപ്പെട്ട് ഒമാൻ സമയം 12.20 മസ്‌കറ്റിൽ തിരികെയെത്തും. ബജറ്റ് വിമാനല്ലാത്ത എയർ ഇന്ത്യ വരുത്തുന്ന നിരക്കിളവിന് പ്രവാസികൾക്കിടയിൽ നല്ല സ്വീകാര്യത ലഭിച്ചേക്കും.