ഒമാനിൽ ചൂട് കൂടുന്നു. വിവിധ ഭാഗങ്ങളിൽ ശനിയാഴ്ച ഉയർന്ന താപനില രേഖപ്പെടുത്തിയതായി കാലാവസ്ഥാ നിരീക്ഷണ കേന്ദ്രം റിപ്പോർട്ട്. പല ഭാഗങ്ങളിലും താപനില 40 ഡിഗ്രി സെൾഷ്യസും അതിലധികവും റിപ്പോർട്ട് ചെയ്തു.
![](https://inside-oman.com/wp-content/uploads/2021/06/istockphoto-1226639190-612x6122282320569457487627-1.jpg)
സീബിലും ആമിറാത്തിലുമാണ് ഏറ്റവും കൂടുതൽ ചൂട് അനുഭവപ്പെട്ടത്, 42, ഡിഗ്രി സെൽഷ്യസ്.
ബുറൈമി, ഫഹൂദ്, റുസ്താഖ്, സമാഈൽ, നിസ്വ, ബഹ്ല, ആദം, സൂർ, മസീറ, ദുകം എന്നിവിടങ്ങളിലും 40-41 ഡിഗ്രി സെൽഷ്യസ് ചൂട് അനുഭവപ്പെട്ടു. കുറഞ്ഞ താപനില ജബൽ ശംസ്, സൈഖ്, ജബൽ അൽ ഖമർ പ്രദേശങ്ങളിൽ ആയിരുന്നു, 25-26 ഡിഗ്രി സെൽഷ്യസ്.
രാജ്യത്തിന്റെ ഭൂരിഭാഗം മേഖലകളിലും തെളിഞ്ഞ കാലാവസ്ഥയാണ് അനുഭവപ്പെടുന്നത്. ചില ഭാഗങ്ങളിൽ അന്തരീക്ഷം മേഘാവൃതമാവും. രാത്രിയും അതിരാവിലെയും തെക്കൻ ശർഖിയ്യ ഗവർണറേറ്റിന്റെ ചില ഭാഗങ്ങളിൽ മൂടൽ മഞ്ഞ് രുപപ്പെടാൻ സാധ്യതയുണ്ട്. ഈ മേഖലകളിൽ രാത്രിയും പുലർച്ചെയും വാഹനമോടിക്കുന്നവർ ജാഗ്രത പാലിക്കണമെന്നും അധികൃതർ ഉണർത്തി.
![](https://inside-oman.com/wp-content/uploads/2022/03/16021907330183720581878123875961.jpeg)