ഫുട്ബോൾ മാത്രം വാഴുന്ന മണ്ണിൽ ക്രിക്കറ്റോ എന്ന് ചോദിച്ചവർ ഒമാനിൽ ആയിരുന്നു ഭൂരുഭാഗവും . വർഷങ്ങൾക്കു മുൻപ് ഒമാനിൽ ക്രിക്കറ്റ് കളിച്ചു തുടങ്ങുമ്പോൾ നല്ലൊരു ഗ്രൗണ്ടോ , മറ്റ് സൗകര്യമോ ഇവിടെ ഇല്ലായിരുന്നു . വാദികളിലും , ഗല്ലികളിലും ആണ് അന്ന് ക്രിക്കറ്റിനെ സ്നേഹിക്കുന്നവർ കളിച്ചിരുന്നത് . എന്നാൽ ഇച്ഛാശക്തിയുള്ള ഒരു കൂട്ടർ ക്രിക്കറ്റിനെ വളർത്തിയെടുക്കാൻ തന്നെ തീരുമാനിച്ചു . വർഷങ്ങളുടെ അദ്ധ്വാനവും , അർപ്പണ മനോഭാവത്തിനും ഉള്ള പ്രതിഫലമാണ് ഇന്ന് ചരിത്രമാകുന്നത്. ” ട്വന്റി ട്വന്റി ” ലോകകപ്പ് പ്രാഥമിക റൗണ്ട് മത്സരങ്ങൾക്കു ഇന്ന് ഒമാനിൽ തുടക്കം കുറിക്കുകയാണ് . ഇതിനോടൊപ്പം ഉള്ള ചിത്രത്തിൽ ബാറ്സ്മാൻ ആയി നിൽക്കുന്നത് നമ്മുടെ സുൽത്താൻ ഹൈതം ബിൻ താരിഖ് അൽ സഈദും , ബൗൾ ചെയുന്നത് കുറച്ചു മാസങ്ങൾക്കു മുൻപ് നമ്മെ വിട്ടു പിരിഞ്ഞ ഒമാനിലെ ഇന്ത്യൻ സമൂഹത്തിന്റെ കാരണവർ എന്ന് വിശേഷിപ്പിച്ചിരുന്ന ഷെയ്ഖ് കനക് സി കിംജിയും ആണ് . ഇന്ന് ഈ അഭിമാന നേട്ടത്തിന് ഏറ്റവും കൂടുതൽ സംഭാവന നൽകിയവർ ഇവർ രണ്ടു പേരും ആണ്. ഒമാൻ ക്രിക്കറ്റ് കൗൺസിലിന്റെ മുഖ്യ രക്ഷാധികാരിയായി വർഷങ്ങൾക്കു മുൻപ് സുൽത്താൻ ഹൈതം ബിൻ താരിഖ് വരുന്നതും , ക്രിക്കറ്റിന്റെ പൂർണ്ണ പിന്തുണയുമായി കനക് സി കിംജിയും ചേരുന്നതോടെയാണ് ഒമാൻ ക്രിക്കറ്റ് പുതിയ തലങ്ങളിൽ എത്തുന്നത് .