യൂറോകപ്പ് പ്രവചന മത്സരം ജേതാക്കൾക്ക് സമ്മാനങ്ങൾ വിതരണം ചെയ്തു

യൂറോകപ്പ് 2020 യോട് അനുബന്ധിച്ചു ഒമാനിലെ ആദ്യത്തെ ധനവിനിമയ ഇടപാട് സ്ഥാപനമായ ‘ പുരുഷോത്തം കാഞ്ചി എക്സ്ചേഞ്ചും ” സ്പോർട്സ് ഉൽപ്പന്ന വിതരണ രംഗത്തെ മുൻനിര സ്ഥാപനമായ ” അൽ ഹാബിൽ ട്രേഡിങ്ങും ” സംയുക്തമായി ലൈഫ് ഇൻ ഒമാൻ ഓൺലൈൻ ഫേസ്ബുക് പേജുമായി ചേർന്ന് സംഘടിപ്പിച്ച യൂറോകപ്പ് 2020 ജേതാക്കളെ പ്രവചിക്കുന്ന മത്സരത്തിലെ വിജയികൾക്കുള്ള സമ്മാനങ്ങൾ വിതരണം ചെയ്തു . ആവേശകരമായ പ്രതികരണമാണ് മത്സരത്തിനു ലഭിച്ചത് നാനൂറിലേറെ ആളുകൾ പങ്കെടുത്ത മത്സരത്തിൽ കൂടുതൽ പേരും പ്രവചിച്ചത് ഇറ്റലി, ഡെന്മാർക്ക് ടീമുകൾ ജേതാക്കളാകും എന്നായിരുന്നു. ശരിയായ ഉത്തരം പ്രവചിച്ചവരിൽ നിന്നും അഞ്ചുപേരെ നറുക്കെടുപ്പിലൂടെയാണ് തിരഞ്ഞെടുത്ത് . ബിന്ദു നായർ ( റൂവി ) , സീജ സുധീർ ( അൽ ഖൂദ് ) റോയ് മാത്യു ഇല്ലിക്കൽ ( മസീറ ) ഹാഷിം ഹസ്സൻ ( അസൈബ ) കിമി ജിജോ ( സലാല ) എന്നിവരാണ് ജേതാക്കളായത് . വിജയികൾക്ക് അൽ ഹാബിൽ ട്രേഡിങിൽ നിന്നുള്ള സ്പോർട്സ് ഷൂ ആണ് സമ്മാനമായി നൽകിയത് .