കോവാക്സിൻ ലോകാരോഗ്യ സംഘടനയുടെ പരിഗണനയിൽ, പ്രതീക്ഷയോടെ പ്രവാസികൾ.
ഓഗസ്റ്റ് 19 ന് ലോകാരോഗ്യസംഘടന പുറത്തുവിട്ടിരിക്കുന്ന രേഖപ്രകാരം കോവാക്സിന് ലോകാരോഗ്യ സംഘടനയുടെ അടിയന്തര ഉപയോഗാനുമതി കിട്ടാനുള്ള നടപടിക്രമങ്ങളിൽ കാര്യമായ പുരോഗതി കാണുന്നു
ഇന്ത്യ ഉൾപ്പെടെ 10 ഓളം രാജ്യങ്ങൾ കോവാക്സിൻ അംഗീകരിച്ചിട്ടുണ്ടെങ്കിലും ലോകാരോഗ്യ സംഘടനയുടെ അടിയന്തിര ഉപയോഗാനുമതി WHO Emergency Use Listing (EUL) ലഭിക്കാത്തതുകൊണ്ട് കോവാക്സിൻ സ്വീകരിച്ചവർക്ക് പല വിദേശരാജ്യങ്ങളിലും യാത്ര ചെയ്യാൻ സാധിക്കാത്ത അവസ്ഥ നിലനിൽക്കുന്നു .
ഇന്ത്യയുടെ തദ്ദേശീയ വാക്സിന് വിദേശ രാജ്യങ്ങളിൽ അംഗീകാരം ലഭിക്കുന്നതിന് സർക്കാരുകൾ ഇടപെടും എന്നാണു കരുതുന്നത്. ലോകാരോഗ്യ സംഘടനയിൽ കോവാക്സിന് അടിയന്തിര ഉപയോഗ അനുമതി ലഭിച്ചു കഴിഞ്ഞാൽ വിദേശ രാജ്യങ്ങളിൽ അംഗീകാരം നേടിയെടുക്കാം എന്നാണ് പ്രതീക്ഷ. ഗൾഫ് രാജ്യങ്ങളിലും അനുമതി ലഭിക്കാൻ അത് അവസരം ഒരുക്കുമെന്നാണ് പ്രവാസികൾ പ്രതീക്ഷിക്കുന്നത്.
