കേന്ദ്രതല ഉൽഘാടനം മബെലയിൽ നടന്നു
മസ്കറ്റ് കെഎംസിസി കേന്ദ്ര കമ്മറ്റിയുടെ ആഭിമുഖ്യത്തിൽ കണക്ട് 2023 പരിപാടിക്ക് തുടക്കമായി. വിഷൻ 2025 ന്റെ ഭാഗമായി വനിതകളും വിദ്യാർത്ഥികളും, ഹരിത സാന്ദ്വനം ,പാർട്ടി/സംഘടന, സോഷ്യൽ വെൽഫെയർ, യങ് പ്രൊഫഷണൽസ് ഗ്രൂപ്പ്, സ്പോർട്സ് ആൻഡ് കൾച്ചറൽ തുടങ്ങിയ ആറോളം വിഭാഗങ്ങളിലായി 2022 നവംബറിൽ നടത്തിയ സിംബയോസിസ് ലീഡേഴ്‌സ് കണക്ടിന്റെ തുടർച്ചയായായാണ് കണക്ട് 2023 സംഘടിപ്പിക്കുന്നത്.
കണക്ട് 2023 ന്റെ ഭാഗമായി മസ്‌ക്കറ്റ് കെഎംസിസി കേന്ദ്രകമ്മിറ്റി നേതാക്കൾ കേന്ദ്രകമ്മറ്റി പ്രസിഡന്റ് റയീസ് അഹമ്മദ്ന്റെ നേതൃത്വത്തിൽ മസ്കറ്റ് കെഎംസിസി ക്കു കീഴിലുള്ള 33 ഏരിയകളിലും സന്ദർശനം നടത്തി പ്രവർത്തക സമിതി അംഗങ്ങളുമായി ആശയ സംവാദത്തിൽ ഏർപ്പെടും. സന്ദർശനത്തിന്റെ ഒന്നാംഘട്ട പരിപാടിയുടെ തുടക്കം മബേല ഏരിയ കെഎംസിസി യിൽ നിന്നും ആരംഭിച്ചു. മെയ് 11,12 വ്യാഴം വെള്ളി ദിവസങ്ങളിൽ മസ്കറ്റ് , ബാത്തിന തുടങ്ങിയ ഗവര്ണറേറ്റുകളിലെ ഏരിയകളിൽ സന്ദർശനം നടത്തും.
മബേല സെവൻ ഡെയ്‌സ് റെസ്റ്റോറന്റ് ഹാളിൽ നടന്ന കേന്ദ്രതല ഉൽഘാടന പരിപാടിയിൽ മബേല ഏരിയ കെഎംസിസി പ്രസിഡന്റ് സലിം അന്നാര അധ്യക്ഷനായിരുന്നു. ജനറൽ സെക്രട്ടറി യാക്കൂബ് തിരൂർ സ്വാഗതം പറഞ്ഞു. കേന്ദ്രകമ്മറ്റി പ്രസിഡന്റ് റഹീസ് അഹമ്മദ്, ജനറൽ സെക്രട്ടറി റഹീം വറ്റലൂർ, ട്രഷറർ ഷമീർ പി ടി കെ, കേന്ദ്രകമ്മറ്റി നേതാക്കൻ മാരായ വാഹിദ് ബർക്ക, ഇബ്രാഹിം ഒറ്റപ്പാലം, ഷമീർ പാറയിൽ, , അഷറഫ് കിണവക്കൽ, ഉസ്മാൻ പന്തല്ലൂർ, ഷാനവാസ് മൂവാറ്റുപുഴ, നൗഷാദ് കക്കേരി തുടങ്ങിയവർ സന്നിഹിതരായിരുന്നു. മസ്കറ്റ് കെഎംസിസി മീഡിയ കോഡിനേറ്റർ ഫൈസൽ മുഹമ്മദ് വൈക്കം വിഷൻ 2025 മായി ബന്ധപ്പെട്ട മബേല കെഎംസിസി യുടെ നിർദ്ദേശങ്ങൾ കേന്ദ്ര കമ്മറ്റി നേതാക്കൾക്ക് മുന്നിൽ അവതരിപ്പിച്ചു. ശാക്കിർ പുത്തൻചിറ നന്ദി രേഖപ്പെടുത്തി.
മബേലക്ക് ശേഷം റുസൈൽ , അൽഖൂദ്,സീബ് , ഗാല തുടങ്ങിയ ഏരിയ സന്ദർശനം നടത്തി അതാത് കമ്മറ്റികളുടെ പ്രവർത്തക സമിതി അംഗങ്ങളുമായും ചർച്ചകൾ നടന്നു. രണ്ടാം ദിവസമായ വെള്ളിയാഴ്ച ഷിനാസ്, ലിവ, ഫലജ്, സൊഹാർ, സഹം, കാബൂറ, ബിദായ , കതറ, തർമത്ത്‌ , മുസന്ന , ബർക്ക തുടങ്ങിയ ഏരിയകളിലും സന്ദർശനം നടത്തും. രണ്ടാം ഘട്ടത്തിൽ ബാക്കി ഏരിയ കമ്മറ്റികളിലും സന്ദർശനം നടത്തി ചർച്ച പൂർത്തിയാക്കുമെന്ന് മസ്കറ്റ് കെഎംസിസി കേന്ദ്രകമ്മറ്റി നേതാക്കൾ അറിയിച്ചു.
ചർച്ചകളിൽ നിന്നും ഉയർന്നു വരുന്ന അഭിപ്രായങ്ങളുടെ സമാന്യയമാകും വിഷൻ 2025 ന്റെ ഭാഗമായി മസ്കറ്റ് കെഎംസിസി നടപ്പിലാക്കുക.
