ഒമാനിൽ ഇ പേയ്‌മെന്റ് സേവനം ലഭ്യമാക്കാത്ത 78 വാണിജ്യ സ്‌റ്റോറുകൾ കണ്ടെത്തി

ഒമാനിൽ വാണിജ്യ സ്ഥാപനങ്ങളിൽ പണമിടപാടിനായി ഇ-പേമെന്‍റ് സംവിധാനം ലഭ്യമാക്കാത്തതുമായി ബന്ധപ്പെട്ടുള്ള മന്ത്രാലയത്തിന്‍റെ പരിശോധന കാമ്പയിൻ തുടരുന്നു.

കഴിഞ്ഞ ദിവസങ്ങളിൽ ഒമാനിലെ വിവിധയിടങ്ങളിലായി വാണിജ്യ, വ്യവസായ, നിക്ഷേപ പ്രോത്സാഹന മന്ത്രാലയ അധികൃതർ നടത്തിയ പരിശോധനയിൽ 78 വാണിജ്യ സ്‌റ്റോറുകൾ ഉപഭോക്താക്കൾക്ക് ഇലക്ട്രോണിക് പേമെന്റ് സേവനം നൽകുന്നില്ലെന്ന് കണ്ടെത്തി.

2022 ജനുവരിയിലാണ് ഒമാനിലെ വ്യാപാരസ്ഥാപനങ്ങളിൽ ഇ-പേമെന്‍റ് സംവിധാനം നിർബന്ധമാക്കി തുടങ്ങിയത്. ഇതനുസരിച്ച് പല സ്ഥാപനങ്ങളും ഇ-പേമെൻറ് സംവിധാനം ഏർപ്പെടുത്തിയിരുന്നുവെങ്കിലും ഇതുവരെയും സംവിധാനം ഏർപ്പെടുത്താത്ത സ്ഥാപനങ്ങൾക്കെതിരെയാണ് കർശന നടപടികൾ ഇപ്പോൾ അധികൃതർ എടുത്തുകൊണ്ടിരിക്കുന്നത്.

ഉപഭോക്താക്കൾക്ക് ഇ-പേമെന്‍റ് സേവനം നൽകുന്നതുമായി ബന്ധപ്പെട്ട് കട ഉടമകൾക്കായി നിരവധി ബോധവത്കരണ പരിപാടികൾ നടത്തിയിരുന്നു.

ഫു​ഡ് സ്റ്റ​ഫ് സ്ഥാ​പ​ന​ങ്ങ​ൾ, സ്വ​ർ​ണം-​വെ​ള്ളി വ്യാ​പാ​ര സ്ഥാ​പ​ന​ങ്ങ​ൾ, റ​സ്റ്റാ​റ​ൻ​റു​ക​ൾ, ക​ഫേ​ക​ൾ, പ​ച്ച​ക്ക​റി-​പ​ഴ​വ​ർ​ഗ വ്യാ​പാ​ര​സ്ഥാ​പ​ന​ങ്ങ​ൾ, ഇ​ല​ക്ട്രോ​ണി​ക് സ്ഥാ​പ​ന​ങ്ങ​ൾ, കെ​ട്ടി​ട​നി​ർ​മാ​ണ ഉ​ൽ​പ​ന്ന​ങ്ങ​ൾ വി​ൽ​ക്കു​ന്ന സ്ഥാ​പ​ന​ങ്ങ​ൾ, പു​ക​യി​ല ഉ​ൽ​പ​ന്ന​ങ്ങ​ൾ വി​ൽ​ക്കു​ന്ന സ്ഥാ​പ​ന​ങ്ങ​ൾ, വ്യ​വ​സാ​യ മേ​ഖ​ല, കോം​പ്ല​ക്സു​ക​ൾ, മാ​ളു​ക​ൾ, ഗി​ഫ്റ്റ് ഇ​ന​ങ്ങ​ൾ വി​ൽ​ക്കു​ന്ന സ്ഥാ​പ​ന​ങ്ങ​ൾ എ​ന്നി​വ​യി​ലാ​ണ് ഇ-​പേ​മെൻറ് സം​വി​ധാ​നം ന​ട​പ്പാ​ക്കി​യ​ത്.നി​ല​വി​ൽ ചെ​റി​യ സ്ഥാ​പ​ന​ങ്ങ​ൾ അ​ധി​ക​വും ഇ-​പേ​മെൻറ് സം​വി​ധാ​നം ന​ട​പ്പാ​ക്കി​യി​ട്ടി​ല്ല. ഇ​ത് ന​ട​പ്പി​ൽ വ​രു​ത്തു​ന്ന​ത് ഊ​ർ​ജി​ത​പ്പെ​ടു​ത്തു​ന്ന​തി​ന്‍റെ ഭാ​ഗ​മാ​യാ​ണ് മ​ന്ത്രാ​ല​യം അ​ധി​കൃ​ത​രു​ടെ ന​ട​പ​ടി.