പ്രമുഖ നേതാക്കൾ മസ്കത്തിൽ എത്തി
മുൻ കേന്ദ്ര മന്ത്രിയും മുസ്ലിം ലീഗിന്റെ സമുന്നത നേതാവുമായിരുന്ന പരേതനായ ഇ അഹമ്മദ് അനുസ്മരണവും ഇ അഹമ്മദ് മെമ്മോറിയൽ എക്സലൻസി അവാർഡ് ദാനവും ഇന്ന് നടക്കും.
മസ്കറ്റ് കെഎംസിസി കേന്ദ്രകമ്മറ്റി ഏർപ്പെടുത്തിയ മൂന്നാമത് പുരസ്കാരം ഏറ്റുവാങ്ങുന്നത് മികച്ച പാർലമെന്റേറിയനും ആലത്തൂർ എം.പിയുമായ കുമാരി രമ്യ ഹരിദാസാണ്. മുസ്ലിം ലീഗ് ദേശീയ അദ്ധ്യക്ഷൻ ഖാദർ മൊയ്ദീൻ മുഖ്യാതിഥിയായിരിക്കും.
മുസ്ലിം ലീഗ് മുൻ കോഴിക്കോട് ജില്ലാ സെക്രട്ടറി സമദ് പൂക്കാട്, ഗൾഫാർ മുഹമ്മദലി തുടങ്ങി പ്രമുഖ നേതാക്കൾ ചടങ്ങിൽ സംബന്ധിക്കുമെന്ന് സ്വാഗത സംഘം കമ്മറ്റി പത്രക്കുറിപ്പിൽ അറിയിച്ചു. വെള്ളിയാഴ്ച വൈകുന്നേരം 7:30 ന് എയർപോർട്ടിനു സമീപത്തെ ഹോർമുസ് ഗ്രാന്റ് ഹോട്ടലിലാണ് അനുസ്മരണ സമ്മേളനം വേദി സജ്ജമാക്കിയിരിക്കുന്നത്.
