രാവും പകലും ഷമീറിനെ അന്വേഷിച്ചുകൊണ്ട് സഹജീവികളുടെ ഫോൺ വിളികളെത്തും. സഹായ അഭ്യർത്ഥനയും മൃതദേഹങ്ങൾക്ക് വേണ്ട നടപടി ക്രമങ്ങളും അങ്ങനെ ഒരുപാടൊരുപാട് കാര്യങ്ങളുമായി ഷമീർ എപ്പോഴും തിരക്കിലാണ്. ഓരോ ആഴ്ചയും രണ്ടോ മൂന്നോ മൃതദേഹങ്ങളെങ്കിലും നാട്ടിലെത്തിക്കാൻ സഹായിക്കുന്ന ഷമീർ പറയുന്നതനുസരിച്ച്, ഒരു പ്രവാസിയുടെ മൃതദേഹം നാട്ടിലെത്തിക്കുന്നതിന് ധാരാളം പേപ്പർ വർക്കുകൾ ആവശ്യമാണ്. 1998 മുതൽ, ഷമീർ ഒമാനിൽ നിന്ന് കണക്കില്ലാതെ ഇന്ത്യൻ പൗരന്മാരുടെ മൃതദേഹങ്ങൾ നാട്ടിലെത്തിച്ചിട്ടുണ്ട്.