ഇന്ത്യൻ സ്കൂൾ അൽ മബേല 12ാം വാർഷികാഘോഷത്തിന്റെ ഭാഗമായി ബൗഷർ രക്ത ബാങ്കുമായി സഹകരിച്ച് രക്തദാന ക്യാമ്പ് സംഘടിപ്പിച്ചു. ‘രക്തം നൽകൂ ജീവൻ രക്ഷിക്കൂ’എന്നസന്ദേശം വിളംബരം ചെയ്തപരിപാടിയിൽ സ്വദേശികളും വിദേശികളുമായ നിരവധി പേർ പങ്കെടുത്തു. രാവിലെ ഒമ്പതു മുതൽ വൈകീട്ട്മൂന്നു വരെ നടന്ന രക്തദാന ക്യാമ്പിൽ മുന്നൂറിലധികം യൂനിറ്റ് രക്തം ബൗഷർ രക്തബാങ്കിലേക്കു നൽകാൻ സാധിച്ചു.
രക്തദാന ക്യാമ്പ് ഇന്ത്യൻ സ്കൂൾ ഡയറക്ടർ ബോർഡ് അംഗവും അൽ മബേല ഇന്ത്യൻ സ്കൂൾ ഡയ റക്ടർ ഇൻ ചാർജുമായ എം. അംബുജാക്ഷൻ ഉദ്ഘാടനം ചെയ്തു. ഇന്ത്യൻ സ്കൂൾ ഡയറക്ടർ ബോർഡ് വൈസ് ചെയർമാനും മബേല ഇന്ത്യൻ സ്കൂൾ ഡയറക്ടർ ഇൻ ചാർജുമായ സെയ്ദ് സൽമാൻ, അൽ മബേല ഇന്ത്യൻ സ്കൂൾ മാനേജ്മെന്റ് കമ്മിറ്റി പ്രസിഡന്റ് സുജിത് കുമാർ , സ്കൂൾ പ്രിൻസിപ്പൽ പ്രഭാകരൻ എന്നിവർ സംസാരിച്ചു.
