മസ്കറ്റ് : മസ്കറ്റിൽ ഇന്ന് സമാപിച്ച ” അയേൺ മാൻ ” 70 .3 യിൽ ലക്‌ഷ്യം കൈവരിച്ചുകൊണ്ട് ആലപ്പുഴ സ്വദേശി മച്ചുവും . 1 .9 കിലോമീറ്റർ നീന്തൽ , 90 .1 കിലോമീറ്റർ സൈക്കളിംഗ് , 21. 1 കിലോമീറ്റർ ഓട്ടം എന്നിവയാണ് ഈ കായിക പരീക്ഷണത്തിൽ മറികടക്കേണ്ടത് . ആകെ എട്ടര മണിക്കൂർ സമയംകൊണ്ട് മൂന്നു ഘട്ടവും പൂർത്തിയാക്കണം എന്ന് മാത്രമല്ല ഓരോ ഇനവും നിശ്ചിത സമയത്തിലും പൂർത്തിയാക്കണം . എന്നാൽ ഏകദേശം ഏഴര മണിക്കൂർ കൊണ്ടാണ് മച്ചു പൂർത്തിയാക്കിയത് . ലോകത്തെ കഠിനമായ കായിക പരീക്ഷണങ്ങളിൽ ഒന്നാണ് അയേൺ മാൻ. ഒമാനിലും , ഇന്ത്യയിലുമായി നിരവധി ദീർഘദൂര മത്സരങ്ങളിൽ പങ്കെടുക്കുകയും , വിജയിക്കുകയും ചെയ്ത മച്ചു കഴിഞ്ഞ പതിനഞ്ചു വർഷമായി ഒമാനിൽ ജോലി ചെയുന്നു . മസ്‌കറ്റിലെ മാധ്യമ സ്ഥാപനത്തിൽ ജോലി ചെയുന്ന മച്ചു നിരവധി കായിക മത്സരങ്ങളിൽ പങ്കെടുക്കുന്നവർക്ക് പരിശീലനവും , പ്രചോദനവുമായി മുന്നിലുണ്ടാകാറുണ്ട് . മഞ്ജുവാണ് ഭാര്യ , ഏക മകൾ മീനാക്ഷി വിദ്യാർത്ഥിനിയാണ് . അതോടൊപ്പം ഇന്ന് സമാപിച്ച അയേൺമാൻ മത്സരത്തിന് വലിയ സ്വീകാര്യതയാണ് ലഭിച്ചത് . സ്വദേശികളും വിദേശികളും ഉൾപ്പടെ നൂറുകണക്കിന് ആളുകൾ മത്സരത്തിൽ പങ്കെടുത്തു
