ജബൽ അഖ്ദറിലെ ടൂറിസം ഫെസ്റ്റിവലിന്റെ രണ്ടാം പതിപ്പ് ഓഗസ്റ്റ് 3 മുതൽ 19 വരെ നടക്കുമെന്ന് ദഖ്‌ലിയ ഗവർണറേറ്റ് പ്രഖ്യാപിച്ചു.
ജബൽ അഖ്ദർ ടൂറിസം ഫെസ്റ്റിവൽ എന്നറിയപ്പെടുന്ന ഈ പരിപാടി ദഖ്‌ലിയ ഗവർണറുടെ ഓഫീസും ജബൽ അഖ്ദറിലെ വാലി ഓഫീസും ചേർന്നാണ് സംഘടിപ്പിക്കുന്നത്. ജബൽ അഖ്ദറിന്റെ സവിശേഷമായ വിനോദസഞ്ചാര സാധ്യതകളിൽ ശ്രദ്ധ കേന്ദ്രീകരിക്കാനും ആഭ്യന്തര ടൂറിസം പ്രോത്സാഹിപ്പിക്കാനും വിവിധ വിനോദ സഞ്ചാരികളെ ആകർഷിക്കാനും ഫെസ്റ്റിവൽ ലക്ഷ്യമിടുന്നു.
സമൂഹത്തിന് പ്രാദേശിക മാതളനാരങ്ങ സീസണിന്റെ പ്രാധാന്യം ഉയർത്തിക്കാട്ടുന്ന വൈവിധ്യമാർന്ന പ്രവർത്തനങ്ങളും പരിപാടികളും ഫെസ്റ്റിവലിൽ പ്രദർശിപ്പിക്കുമെന്ന് ദഖ്‌ലിയ ഗവർണറുടെ ഓഫീസിലെ ഒരു ഉദ്യോഗസ്ഥൻ അറിയിച്ചു. സാംസ്കാരിക, പൈതൃക, വിനോദ, സാഹസിക പ്രവർത്തനങ്ങളും പരിപാടികളും ഇതോടൊപ്പം അവതരിപ്പിക്കും.
“സർക്കാർ, സ്വകാര്യ, സിവിൽ മേഖലകളിലുടനീളമുള്ള നിരവധി സ്ഥാപനങ്ങൾ ഫെസ്റ്റിവലിൽ ഉൾപ്പെടും. സംരംഭകർക്കും ചെറുകിട ഇടത്തരം സംരംഭക ഉടമകൾക്കും പങ്കെടുക്കാനുള്ള വേദിയും ഇത് ഒരുക്കും,” ഉദ്യോഗസ്ഥർ കൂട്ടിച്ചേർത്തു.
ഒമാൻ വിഷൻ 2040 ന്റെ ലക്ഷ്യങ്ങളുമായി യോജിപ്പിച്ച്, ഗവർണറേറ്റിലുടനീളം സാമൂഹിക ക്ഷേമവും സന്തുലിത സാമ്പത്തിക വികസനവും പ്രോത്സാഹിപ്പിക്കുന്നതിൽ ഫെസ്റ്റിവൽ ശ്രദ്ധ കേന്ദ്രീകരിക്കുന്നു. ദേശീയ വരുമാനം വർധിപ്പിക്കാനും ഹോട്ടൽ താമസം വർധിപ്പിക്കാനും ജബൽ അഖ്ദറിലെ ഉൽപ്പാദനക്ഷമതയുള്ള കുടുംബങ്ങളെ പിന്തുണയ്ക്കാനും ഉദ്ദേശിച്ചുള്ളതാണ് ഇത്.
കൂടാതെ, ജബൽ അഖ്ദർ അന്താരാഷ്ട്ര വിനോദസഞ്ചാരികളെ ആകർഷിക്കുന്ന നിരവധി ചരിത്ര സ്ഥലങ്ങളുള്ള പ്രദേശമാണെന്നും ഉദ്യോഗസ്ഥർ സൂചിപ്പിച്ചു.
ഒമാനിലെ പ്രശസ്ത വിനോദസഞ്ചാര കേന്ദ്രമായ ജബൽ അഖ്ദർ മിതമായ വേനൽക്കാല കാലാവസ്ഥയും തണുത്ത ശൈത്യവും ഉള്ളതിനാൽ ഇക്കോടൂറിസത്തിനും സാഹസികത ഇഷ്ടപ്പെടുന്നവർക്കും അനുയോജ്യമായ ഒരു കേന്ദ്രമാണ്. ഇത് സന്ദർശകർക്ക് വാദികളിലെ നടത്തം, പർവതാരോഹണം, ഗുഹാ പര്യവേക്ഷണം എന്നിങ്ങനെ സഞ്ചാരികൾക്ക് ആഴത്തിലുള്ള അനുഭവം പ്രദാനം ചെയ്യുന്നു,
നാഷണൽ സെന്റർ ഫോർ സ്റ്റാറ്റിസ്റ്റിക്സ് ആൻഡ് ഇൻഫർമേഷൻ അനുസരിച്ച്, 2022ൽ 208,423 സന്ദർശകരെ ജബൽ അഖ്ദർ സ്വാഗതം ചെയ്തു, ഒരു വിനോദസഞ്ചാര കേന്ദ്രമെന്ന നിലയിൽ അതിന്റെ ജനപ്രീതി വ്യക്തമാക്കുന്നതാണ് ഈ റിപ്പോർട്
