മസ്കറ്റ് കെഎംസിസി മബേല ഏരിയ കമ്മറ്റിക്ക് കീഴിൽ പ്രവർത്തിക്കുന്ന മബേല ശിഹാബ് തങ്ങൾ സ്മാരക ഹയർ സെക്കണ്ടറി ഖുർആൻ മദ്രസ്സയിൽ 2023 -2024 അധ്യായന വർഷത്തേക്കുള്ള കുട്ടികളുടെ പ്രവേശനോത്സവം ഏപ്രിൽ ഇരുപത്തിയെട്ട് വെള്ളിയാഴ്ച രാവിലെ എട്ടു മണിക്ക് നടന്നു. മദ്രസ്സ ഹാളിൽ നടന്ന പ്രവേശനോത്സവ പരിപാടിയിൽ. ഒമാനി പൗര പ്രമുഖൻ ഷെയ്ഖ് ജമീൽ മുഖ്യ അതിഥിയായി പങ്കെടുത്തു.നവാഗതരെ ഷെയ്ഖ് ജമീൽ മധുരം നൽകി സ്വീകരിച്ചു.
മുഹമ്മദ് സിഫ്‌സീറിന്റെ ഖിറാഅത്തോടെ ആരംഭിച്ച പരിപാടിയിൽ മദ്രസ്സ മാനേജ്‌മന്റ് കമ്മറ്റി ആക്ടിങ് പ്രസിഡന്റ് അറാഫത് അധ്യക്ഷനായിരുന്നു. മസ്കറ്റ് കെഎംസിസി കേന്ദ്രകമ്മറ്റി സെക്രട്ടറി ഇബ്രാഹിം ഒറ്റപ്പാലം യോഗം യോഗം ഉൽഘാടനം ചെയ്തു. മദ്രസ്സ മാനേജ്‌മന്റ് കമ്മറ്റി ജനറൽ സെക്രട്ടറി അഷറഫ് പോയിക്കര സ്വാഗതം പറഞ്ഞു. ശക്കീർ ഫൈസി തലപ്പുഴ , ഉവൈസ് വഹബി, യൂസഫ് ബാഖവി തുടങ്ങിയവർ ആമുഖ പ്രഭാഷണം നിർവഹിച്ചു. മസ്കറ്റ് കെഎംസിസി മബേല ഏരിയ കമ്മറ്റിക്ക് വേണ്ടി പ്രസിഡന്റ് സലിം അന്നാര, ജനറൽ സെക്രട്ടറി യാക്കൂബ് തിരൂർ, ഇർഷാദ് തുടങ്ങിയവർ സംസാരിച്ചു. ശാക്കിർ പുത്തൻ ചിറ നന്ദി രേഖപ്പെടുത്തി.
