കലാ സാംസ്കാരിക, കാരുണ്യ പ്രവർത്തന മേഖലകളിൽ ആഗോളതലത്തിൽ സ്തുത്യർഹമായ സേവനം അനുഷ്ഠിച്ചു പോരുന്ന കൂട്ടായ്മയാണ് നമ്മൾ ചാവക്കാട്ടുകാർ ഒരാഗോള സൗഹൃദക്കൂട്ട്‌. ഈ കൂട്ടായ്മയുടെ ഒമാൻ ചാപ്റ്ററിന്റെ ആഭിമുക്യത്തിൽ ഈദ്, വിഷു, ഈസ്റ്റർ പ്രമാണിച്ച് നാളെ (ഏപ്രിൽ 28 വെള്ളിയാഴ്ച) അൽ റുമൈസിലുള്ള (ഹൽബാൻ, ബർക്ക) അൽ നയിം ഫാംമിൽ വെച്ച് ഒരു ഉത്സവം “മഹർജാൻ ചാവക്കാട് 2023” എന്ന പേരിൽ ഒരുക്കുകയാണ്.
പരിപാടിയിൽ കേരള തനിമ നിലനിർത്തികൊണ്ടുള്ള സദ്യയും, വ്യത്യസ്തമായ താളമേളങ്ങളോടെ പഞ്ചവാദ്യം, ശിങ്കാരിമേളം, മറ്റു ഗാനങ്ങളും, നൃത്തചുവടുകളും കൂടി ഒരു തകർപ്പൻ ഉത്സവം തന്നെ ആക്കി മാറ്റാൻ ശ്രമിക്കുകയാണ് നമ്മൾ ചാവക്കാട്ടുകാർ ഒരാഗോള സൗഹൃദക്കൂട്ട്‌. എല്ലാ ചാവക്കാട്ടുകാരെയും പ്രസ്തുത പരിപാടിയിലേക്ക് സ്വഗതം ചെയ്യുന്നു. പങ്കെടുക്കാൻ ആഗ്രഹിക്കുന്നവർ 9219 8148 എന്ന നമ്പറിൽ മുൻകൂട്ടി രജിസ്റ്റർ ചെയ്യേണ്ടതാണ്.
