ഇന്ത്യൻ സോഷ്യൽ ക്ലബ് ഒമാൻ അതിന്റെ ഭാഷാ വിഭാഗങ്ങളുമായി സഹകരിച്ച് കൊണ്ട് ഏപ്രിൽ 22 ന് ദര്സൈത്തിലെ ഇന്ത്യൻ സോഷ്യൽ ക്ലബ് പരിസരത്ത് പെരുന്നാൾ ദിവസം വൈകുന്നേരം 7 മണി മുതൽ ഈദ് മിലാൻ എന്ന പേരിൽ ഈദുൽ ഫിത്തർ ആഘോഷം സംഘടിപ്പിക്കും.
ഒമാനിലെ ഇന്ത്യൻ സ്ഥാനപതി ശ്രീ അമിത് നാരംഗ് ഈദ് മിലാൻ പരിപാടിയിൽ മുഖ്യാതിഥി ആയിരിക്കും.
ഈദുമായി ബന്ധപ്പെട്ട സാംസ്കാരിക പരിപാടികൾ ഭാഷാ വിഭാഗങ്ങളിലെ അംഗങ്ങൾ അവതരിപ്പിക്കും.
ഈദ് ദിനത്തിൽ ഉണ്ടാക്കുന്ന ഏറ്റവും പ്രശസ്തമായ മധുര വിഭവമായ ഷീർ ഖോർമ – ഈദ് പലഹാരങ്ങൾ, രുചികരമായ വിഭവങ്ങൾ എന്നിവ ഉൾപ്പെടെ ഇന്ത്യൻ സംസ്ഥാനങ്ങളിൽ നിന്നുള്ള ഭക്ഷണ സ്റ്റാളുകൾ ഉണ്ടാകും.
സ്‌പോട്ട് പ്രൈസ്, ഹെന്ന , ഫെയ്‌സ് പെയിന്റിംഗ് തുടങ്ങിയവയുണ്ടാകും
ഈദ് ദിനത്തിൽ ഇന്ത്യൻ കമ്മ്യൂണിറ്റി അംഗങ്ങൾക്ക് പരസ്പരം കാണാനും ആശംസകൾ നേരാനുമുള്ള ഈ അവസരത്തിൽ എല്ലാ അംഗങ്ങളേയും അംഗങ്ങൾ അല്ലാത്തവരെയും കുടുംബങ്ങളോടൊപ്പം ക്ഷണിക്കുന്നതായി
ഇന്ത്യൻ സോഷ്യൽ ക്ലബ് കമ്യൂണിറ്റി വെൽഫെയർ സെക്രട്ടറി ഷമീർ പി.ടി.കെ അറിയിച്ചു.
