ഇന്ത്യൻ സോഷ്യൽ ക്ലബ് മലബാർ വിങ്ങിന്റെ ആഭിമുഖ്യത്തിൽ ഇഫ്താർ സംഗമം സംഘടിപ്പിച്ചു. ദാർസൈറ്റ് ഇന്ത്യൻ സോഷ്യൽ ക്ലബ്ബിൽ നടന്ന പരിപാടിയിൽ മസ്കറ്റ് കെഎംസിസി കേന്ദ്രകമ്മറ്റി പ്രസിഡന്റ് റഈസ് അഹമ്മദ് മുഖ്യ അതിഥി ആയി പങ്കെടുത്തു.
ഇന്ത്യൻ സോഷ്യൽ ക്ലബ് ഭാരവാഹികളായ ഷക്കീൽ, സുഹൈൽ ഖാൻ , വിൽസൻ ജോർജ് , ഗോവിന്ദ് നഖി , മറിയം ചെറിയാൻ, സഞ്ജിത് സനോജിയ , ഇന്ത്യൻ സ്കൂൾ ബോർഡ് ഓഫ് ഡയറക്ടേഴ്സ് ചെയർമാൻ ശിവകുമാർ മാണിക്യം , വൈസ് ചെയർമാൻ പി ടി കെ ഷമീർ , മറ്റു ബോർഡ് അംഗങ്ങൾ, ഇന്ത്യൻ സോഷ്യൽ ക്ലബ് കേരള വിങ് , മലയാളം വിങ് തുടങ്ങി ഇന്ത്യൻ സോഷ്യൽ ക്ലബ്ബിന്റെ വിവിധ വിങ്ങുകളുടെ പ്രതിനിധികൾ , വിവിധ സാമൂഹിക, സാംസ്കാരിക സന്നദ്ധ സംഘടനാ പ്രതിനിധികളും ഇഫ്താർ വിരുന്നിൽ പങ്കെടുത്തു.
പരിപാടിയിൽ സിദ്ധിഖ് ഹസ്സൻ അധ്യക്ഷനായിരുന്നു. ഇബ്രാഹിം ഒറ്റപ്പാലം സ്വാഗതം പറഞ്ഞു. നിധീഷ് മാണി, അനീഷ് കടവിൽ, ഹൈദ്രോസ് പതുവന , അബ്ദുൽ കരീം, ജെസ്‌ല മുഹമ്മദ്, താജു റൂവി, തുടങ്ങിയവർ ഇഫ്താറിന് നേതൃത്വം നൽകി.
