കണ്ണൂര്‍ ചാല സ്വദേശി മനോജ് നിവാസില്‍ രാഹുല്‍ രമേഷ് (34), ആലപ്പുഴ മാന്നാര്‍ സ്വദേശി കുട്ടംപേരൂര്‍ 11ാം വാര്‍ഡില്‍ അശ്വതി ഭവനത്തില്‍ സന്തോഷ് കുമാര്‍ പിള്ള (41) എന്നിവരുടെ ഭൗതീക ശരീരങ്ങളാണ് നാട്ടിലെത്തിച്ചത്.
കണ്ണൂര്‍, തിരുവനന്തപുരം വിമാനത്താവളങ്ങള്‍ വഴിയാണ് ഭൗതീക ശരീരങ്ങൾ നാട്ടിലെത്തിച്ചത്.
ദിവസങ്ങൾക്ക് മുമ്പ് ഒമാനിലെ നിസ്‌വയിലായിരുന്നു അപകടം. ജോലികഴിഞ്ഞ് സഹപ്രവര്‍ത്തകരോടൊപ്പം നടപ്പാതയിലൂടെ നടക്കുന്നതിനിടെ പിന്നില്‍ നിന്നും വന്ന സ്പോര്‍ട്‌ സ്കാര്‍ ഇടിക്കുകയായിരുന്നു വെന്നാണ് ബന്ധുക്കള്‍ക്കു ലഭിച്ച വിവരം.
ചെങ്ങന്നൂര്‍ പുലിയൂര്‍ തെക്കുംകോവില്‍ പരേതനായ പുരുഷോത്തമന്‍ പിള്ളയുടെയും ശാന്ത കുമാരിയുടെയും മകനാണ് സന്തോഷ് കുമാര്‍ പിള്ള. ഭാര്യ: അശ്വതി പിള്ള. മകന്‍: നൈനിക് എസ്. പിള്ള.
രമേഷ് ചാലില്‍ ആണ് രാഹുല്‍ രമേഷിന്റെ പിതാവ്. ഉഷ കൊട്ടിയത്താണ് മാതാവ്.
Marketing & Promotion services on social media License No: L2109211