മസ്‌ക്കറ്റ് കെഎംസിസി അൽ ഖുവൈർ ഏരിയയുടെ നേതൃത്വത്തിൽ പ്രവാസ ലോകത്തും രാഹുൽ ഗാന്ധിക്ക് ഐക്യദാർഢ്യം സംഘടിപ്പിച്ചു.
കേന്ദ്രസർക്കാരിന്റെ ജനാധിപത്യ ധ്വംസനത്തിനെതിരെ രാഹുൽ ഗാന്ധിയെ അയോഗ്യനാക്കി വിമർശനങ്ങളുടെ വായടിപ്പിക്കാനുള്ള കേന്ദ്ര നീക്കങ്ങൾക്കെതിരെ രാഹുൽ ഗാന്ധിക്ക് ഐക്യദാർഢ്യം പ്രഖ്യാപിച്ചുകൊണ്ട് ഇന്ത്യൻ യൂണിയൻ മുസ്ലിം ലീഗ് സംസ്ഥാന കമ്മിറ്റി ആഹ്വാന പ്രകാരം സോഷ്യൽ മീഡിയയിൽ ഏറ്റവും വലിയ തരംഗമായി മാറിയ സോഷ്യൽ മീഡിയ ക്യാമ്പയിന്റെ ഭാഗമായി മസ്കറ്റ് കെഎംസിസി അൽ ഖുവൈർ ഏരിയ കമ്മിറ്റി ഐക്യദാർഢ്യ സംഗമം സംഘടിപ്പിച്ചു.
രാഹുൽ ഗാന്ധിയുടെ ഫോട്ടോ പതിച്ച പ്ലേ കാർഡുമായി കെഎംസിസി പ്രവർത്തകർ ഐക്യദാർഢ്യത്തിൽ പങ്കാളികളായി.
അൽഖുവൈർ കെഎംസിസി കമ്മിറ്റി ഭാരവാഹികൾ, പ്രവർത്തക സമിതി അംഗങ്ങൾ, നിരവധി കെഎംസിസി പ്രവർത്തകരും പങ്കെടുത്ത ഐക്യദാർഢ്യ പരിപാടിക്ക് കെഎംസിസി നേതാക്കളായ ഷാഫി കോട്ടക്കൽ, വാഹിദ് മാള, ബി.എസ് ഷാജഹാൻ ഹബീബ് പാണക്കാട് എന്നിവർ നേതൃത്വം നൽകി.
