മുൻ കേന്ദ്ര മന്ത്രിയും മുസ്ലിം ഇന്ത്യൻ യൂണിയൻ മുസ്ലിം ലീഗിന്റെ സമുന്നത നേതാവുമായിരുന്ന ഇ അഹമ്മദ് അനുസ്മരണം “ഓർമ്മയിൽ ഇ.അഹമ്മദ് എന്ന പേരിൽ സംഘടിപ്പിച്ചു.
റൂവി ചന്ദ്രിക ഭവനത്തിൽ നടന്ന ചടങ്ങ്‌ മസ്കത്ത്‌ കെഎംസിസി കേന്ദ്ര കമ്മിറ്റി വൈസ് പ്രസിഡണ്ട് നവാസ് ചെങ്കള ഉൽഘാടനം ചെയ്തു , മസ്ക്കത്തിലെ ഇന്ത്യക്കാരുമായി അടുത്ത ബന്ധമായിരുന്നു അഹമ്മദ് സാഹിബ് പുലർത്തിയിരുന്നത്, ഒമാനിലെ ഇന്ത്യക്കാർക്ക് വേണ്ടി മാത്രം ഔട്ട്‌പാസ് അടക്കമുള്ള നിരവധി കാര്യങ്ങൾ അദ്ദേഹം വിദേശ കാര്യ സഹ മന്ത്രിയായിരുന്ന കാലം ചെയ്തിട്ടുള്ളത്‌ അദ്ദേഹത്തിന്റെ പ്രവർത്തന കാലഘട്ടത്തിലെ തിളങ്ങുന്ന ഏടുകളാണെന്ന് ഉദ്‌ഘാടന പ്രസംഗത്തിൽ നവാസ് ചെങ്കള സൂചിപ്പിച്ചു ,
സിറാജ് ദിനപത്രം ഒമാൻ റസിഡണ്ട്‌ എഡിറ്റർ കെ. അബാദ്, കുര്യാക്കോസ് മാളിയേക്കൽ , മുഹമ്മദ് റൂവി , മുഹമ്മദ് അലി ഫൈസി , മസ്കറ്റ് കെഎംസിസി നേതാക്കളായ റഹീം വറ്റല്ലൂർ , പി ടി കെ ഷമീർ , എം ടി അബൂബക്കർ സീബ് , ഷമീർ പാറയിൽ , അഷ്‌റഫ് കിണവക്കൽ , പി എ വി അബൂബക്കർ ,സാദിഖ് മത്ര, അഹമ്മദ് വാണിമേൽ , ജെസ്‌ല മുഹമ്മദ് ,ഗഫൂർ സീബ് , ശരീഫ് തൃക്കരിപ്പൂർ ,തുടങ്ങിയവർ സംസാരിച്ചു.
മുഹമ്മദ് വാണിമേൽ മോഡറേറ്ററായിരുന്നു, റൂവി കെഎംസിസി പ്രസിഡണ്ട് റഫീഖ് ശ്രീകണ്ഠപുരത്തിന്റെ അധ്യക്ഷതയിൽ നടന്ന സംഗമത്തിൽ ജനറൽ സെക്രട്ടറി അമീർ കാവനൂർ സ്വഗതവും , സുലൈമാൻകുട്ടി നന്ദിയും പറഞ്ഞു
