പാലക്കാട് ഒറ്റപ്പാലം മണ്ണൂർ സ്വദേശി കളത്തിൽ അഷറഫ് (47) ഒമാനിലെ സലാലയിൽ ഹൃദയാഘാതത്തെ തുടർന്ന് മരണപ്പെട്ടു.
വർഷങ്ങളായി ഔഖത്തിൽ കൃഷിത്തോട്ടം നടത്തി വരികയായിരുന്ന അഷറഫ് നാട്ടിൽ നിന്ന് ആറ് മാസത്തെ ഹൃദയ സംബന്ധമായ അസുഖത്തിനുള്ള ചികിത്സ കഴിഞ്ഞ് ഡിസംബർ ഇരുപത്തി അഞ്ചിനാണ് സലാലയിൽ തിരിച്ചെത്തിയത്. തിങ്കളാഴ്ച വൈകിട്ട് നാല് മണിയോടെ അസ്വസ്ഥത അനുഭവപ്പെട്ട അഷ്റഫിനെ സുൽത്താൻ ഖാബൂസ് ആശുപത്രിയിൽ എത്തിച്ചിരുന്നു.
ഭാര്യ: സുനീറ.
മക്കൾ: സുൽത്താന, സുൽഫാന. ജന്ന, മുഹമ്മദ് മുസ്തഫ.
ഭൗതിക ശരീരം തുടർ നടപടികൾ പൂർത്തിയാക്കി നാട്ടിലേക്ക് കൊണ്ട് പോകുമെന്ന് ബന്ധപ്പെട്ടവർ അറിയിച്ചു.
