ഒമാനിലെ ഇന്ത്യൻ സ്കൂൾ ബോർഡ് തെരഞ്ഞെടുപ്പിലേക്കുള്ള വോട്ടെടുപ്പ് അവസാനിച്ചു.
4963 വോട്ടർമാരിൽ 3356 പേർ വോട്ട് ചെയ്തു 67.6% പോളിംഗ് രേഖപ്പെടുത്തി
രാവിലെ എട്ടുമുതൽ വൈകീട്ട് അഞ്ചുവരെയായിരുന്നു വോട്ടിങ് സമയം. ആറ് മണിയോടെ വോട്ടുകൾ എണ്ണി തുടങ്ങും. ഇന്ന് രാത്രി എട്ടുമണിയോടെ തന്നെ വിജയികളേയും പ്രഖ്യാപിക്കും.
രാവിലെ പോളിംഗ് ആരംഭിക്കുന്നതിനു മുൻപ് സ്ഥാനാർഥികളെയും , അവരുടെ ഏജന്റ് മാരെയും , മാധ്യമ പ്രവർത്തകരെയും തിരഞ്ഞെടുപ്പ് ഒരുക്കങ്ങൾ റൈറ്റേർണിങ് ഓഫീസർ ബാബു രാജേന്ദ്രൻ കാണിച്ചു.
രാവിലെ തന്നെ നിരവധി രക്ഷിതാക്കൾ വോട്ടു ചെയ്യാനായി എത്തിയിരുന്നു . 15 അംഗ ഇന്ത്യൻ സ്കൂൾ ഭരണ സമിതിയിലേക്ക് അഞ്ച് അംഗങ്ങളെയാണ് വോട്ടെടുപ്പിലൂടെ തിരഞ്ഞെടുക്കുന്നത്.
തെരഞ്ഞെടുപ്പിൽ വിജയിച്ച അഞ്ച് പേർക്ക് പുറമെ എംബസി നാമനിർദേശം ചെയ്യുന്ന മൂന്ന് പേരുൾപ്പടെ 15 പേരാണ് ഇന്ത്യൻ സ്കൂൾ ബി.ഒ.ഡി അംഗങ്ങൾ. തെരഞ്ഞെടുപ്പിലൂടെ വിജയിക്കുന്നവരില്‍നിന്നാണ് പിന്നീട് ബോര്‍ഡ് ചെയര്‍മാനെ തെരഞ്ഞെടുക്കുക. ഇന്ത്യൻ സ്കൂൾ മസ്കത്തിൽ പഠിക്കുന്ന വിദ്യാർഥികളുടെ രക്ഷിതാക്കൾക്ക് മാത്രമാണ് വോട്ടവകാശമുള്ളത്.
4,963 രക്ഷിതാക്കൾക്കാണ് ഈ വർഷം വോട്ടവകാശമുള്ളത്. 4963 വോട്ടർമാരിൽ 3356 പേർ വോട്ട് ചെയ്തു 67.6% പോളിംഗ് രേഖപ്പെടുത്തി സജി ഉതുപ്പാൻ, പി.ടി.കെ ഷമീർ , പി.പി.നിതീഷ് കുമാർ , കൃഷ്ണേന്ദു, സിജു തോമസ്, അജയ് രാജ് എന്നീ ആറുമലയാളികളുൾപ്പെടെ 14 സ്ഥാനാർഥികളാണ് മത്സര രംഗത്തുള്ളത്.
