സഹിഷ്ണുതയുടെ സ്നേഹതീരം കലുഷിതമാക്കരുത്. ഷാഫി ചാലിയം

പരസ്പര സ്നേഹത്തിന്റെയും സഹിഷ്ണുതയുടെയും പാരമ്പര്യമുള്ള മലയാള മണ്ണിൽ ഭിന്നിപ്പിന്റെ സ്വരങ്ങൾ വിതറി കലുഷിതമാക്കാൻ അനുവദിക്കരുതെന്ന് മുസ്ലിം ലീഗ് സംസ്ഥാന സെക്രട്ടറി ഷാഫി ചാലിയം ആഹ്വാനം ചെയ്തു. സലാല കെഎംസിസി കോഴിക്കോട് ജില്ലാ സമ്മേളനത്തിൽ മുഖ്യ പ്രഭാഷണം നടത്തുകയായിരുന്നു അദ്ദേഹം. മഹത്തായ സന്ദേശങ്ങൾ സമൂഹത്തിനു നൽകിയ പൂർവികരുടെ നാടാണ് കേരളം. അന്നം തേടി പ്രവാസ ലോകത്തെത്തിയ മലയാളികളെ രണ്ടു കയ്യും നീട്ടി സ്വീകരിച്ച അറബ് സമൂഹം മതപരമായ വിവേചനമില്ലാതെ മലയാളികൾക്ക് ആദിത്യമരുളിയത് നൂറ്റാണ്ടുകൾക്ക് മുമ്പ് അറബ് സമൂഹത്തെ കേരളം വരവേറ്റത്തിന്റെ പാരമ്പര്യത്തിന്റെ ഭാഗമാണ്. അറബികളും കേരളവും തമ്മിലുള്ള ഹൃദയബന്ധം മത സൗഹാർഥത്തിന്റെ അടയാളം കൂടിയാണ്. പൂർണമായ ഇസ്ലാമിക രാജ്യങ്ങളിൽ ഇതര മത വിശ്വാസത്തിന്റെ ആരാധനാലയങ്ങൾ ഉയർന്നത് സഹിഷ്ണുതയുടെ ഉൾക്കൊള്ളലിന്റെയും അടയാളങ്ങളാണെന്നും ഷാഫി ചാലിയം പറഞ്ഞു