മസ്കറ്റ് കെഎംസിസി സീബ് ഏരിയയുടെ ആഭിമുഖ്യത്തിൽ സംഘടിപ്പിക്കപ്പെടുന്ന അഹ്‌ലൻ സീബ് സമ്മേളനത്തിന്റെ ഭാഗമായി സ്വാഗത സംഘം രൂപീകരിച്ചു. തൊട്ടടുത്ത ഏരിയകളിൽ നിന്നുമുള്ള ഭാരവാഹികളെ സംഘടിപ്പിച്ചു കൊണ്ടാണ് സ്വാഗത സംഘം രൂപീകരിച്ചിട്ടുള്ളത്.
അഹ്‌ലൻ സീബ് എന്ന പേരിൽ ഡിസംബർ എട്ട് വ്യാഴാഴ്ച സീബ് ബീച്ച് റോഡിനു സമീപമുള്ള സദഫ് ഹാളിൽ നടക്കുന്ന സമ്മേളനത്തിൽ ഡോക്ടർ എം കെ മുനീർ എം എൽ എ , മുസ്ലിം ലീഗ് സംസ്ഥാന സെക്രട്ടറി ഷാഫി ചാലിയം തുടങ്ങിയവർ സംബന്ധിക്കും. പരിപാടിയോടനുബന്ധിച്ചു ആസിഫ് കാപ്പാട് നയിക്കുന്ന ഗാനമേളയും രുചിമേളയും അരങ്ങേറും. പുതുതായി നിലവിൽ വന്ന മസ്കറ്റ് കെഎംസിസി കേന്ദ്രകമ്മറ്റി നേതാക്കൾക്കു സ്വീകരണവും നൽകും.
മസ്കറ്റ് കെഎംസിസി കേന്ദ്രകമ്മറ്റി വൈസ് പ്രസിഡന്റ് സയ്യിദ് എ കെ കെ തങ്ങൾ ഉത്‌ഘാടനം ചെയ്ത യോഗത്തിൽ എം ടി അബൂബക്കർ അധ്യക്ഷനായിരുന്നു. ആക്ടിങ് പ്രസിഡന്റ് നാസർ കമ്മന യോഗം നിയന്ത്രിച്ചു. ഗഫൂർ കട്ടക്കിൽ സ്വാഗതം പറഞ്ഞു.
മസ്കറ്റ് കെഎംസിസി കേന്ദ്രകമ്മറ്റി ജനറൽ സെക്രട്ടറി റഹീം വറ്റല്ലൂർ , നേതാക്കന്മാരായ ഖാലിദ് കുന്നുമ്മൽ, അഷ്‌റഫ് പോയിക്കര, അഷ്‌റഫ് നാദാപുരം, ഇബ്രാഹിം ഒറ്റപ്പാലം, സൈദ് ശിവപുരം, സലിം അന്നാര, ഹമീദ് അൽഖൂദ്, സുബൈർ ബർക്ക എന്നിവർ സംസാരിച്ചു. ഇബ്രാഹീം തിരൂർ നന്ദി പറഞ്ഞു.
