ഉത്ഘാടന മത്സരത്തിൽ ആതിഥേയരായ ഖത്തറിനെതിരെ ഇക്വഡോറിന് മികച്ച വിജയം. എതിരില്ലാത്ത രണ്ടു ഗോളിനാണ് ഇക്വഡോർ ഖത്തറിനെ തകർത്തത്. തന്നെ വീഴ്ത്തിയതിന് കിട്ടിയ പെനാൽട്ടിയിലൂടെ 16-ാം മിനിറ്റിൽ ടൂർണമെൻ്റിലെ ആദ്യ ഗോൾ നേടിയ ഇക്വഡോർ ക്യാപ്റ്റൻ വാലൻസിയ കിടിലൻ ഹെഡറിലൂടെ 31 മിനിറ്റിൽ ഗോൾ നേട്ടം രണ്ടാക്കി.മത്സരം തുടങ്ങി രണ്ടാം മിനിറ്റിൽ തന്നെ ഇക്വഡോർ ഗോൾ നേടിയെങ്കിലും റഫറി ഗോൾ അനുവദിച്ചിരുന്നില്ല.
