ഒമാനിൽ നവംബർ എട്ടിന് ചന്ദ്രഗ്രഹണം
ഒമാനിൽ നവംബർ എട്ടിന് ചന്ദ്രഗ്രഹണത്തിന് സാക്ഷ്യം വഹിക്കുംമെന്ന് എൻഡോവ്മെന്‍റ്, മതകാര്യമന്ത്രാലയത്തിലെ ജ്യോതിശാസ്ത്ര കാര്യ വകുപ്പ് അറിയിച്ചു. മസ്കത്തിൽ വൈകുന്നേരം 5.26 ന് ആരംഭിച്ച് 5:56ന് അവസാനിക്കുകയും ചെയ്യും. വ്യക്തമായി കാണാനാകാത്ത മങ്ങിയ നിഴലിലാണ് ചന്ദ്രഗ്രഹണം ദൃശ്യമാകുകയെന്ന് ജ്യോതിശാസ്ത്ര കാര്യ വകുപ്പ് പറഞ്ഞു.
അതേസമയം, ഏഷ്യ, ഓസ്‌ട്രേലിയ, വടക്കേ അമേരിക്ക, തെക്കേ അമേരിക്കയുടെ ഭൂരിഭാഗം പ്രദേശങ്ങളിലും വടക്കൻ, കിഴക്കൻ യൂറോപ്പിന്റെ ചില ഭാഗങ്ങളിലും ചന്ദ്രഗ്രഹണം പൂർണമായി കാണാൻ കഴിയും. പ്രത്യേക ഉപകരണങ്ങളുടെ സഹായമില്ലാതെതന്നെ ചന്ദ്രഗ്രഹണം വീക്ഷിക്കാവുന്നതാണ്.
