മസ്കറ്റ് കെഎംസിസി യുടെ പ്രവർത്തനങ്ങൾ അത്ഭുതാവഹവും പ്രശംസനീയവുമാണെന്ന് സയ്യിദ് ആബിദ് ഹുസൈൻ തങ്ങൾ എം എൽ എ പറഞ്ഞു. മസ്‌ക്കറ്റ് കെഎംസിസി കേന്ദ്ര കമ്മറ്റിയുടെ ജനറൽ കൗൺസിൽ യോഗം അൽഖൂദിലെ ബൊളിവാർഡ് ഹോട്ടലിൽ നടത്തിയ കൗൺസിൽ യോഗത്തിലും പുതിയ ഭാരവാഹികളെ തിരഞ്ഞെടുക്കുന്നതിനുള്ള തിരഞ്ഞെടുപ്പ് പരിപാടിയിലും സംസ്ഥാന മുസ്ലിം ലീഗിന്റെ പ്രതിനിധിയായി പങ്കെടുത്തു സംസാരിക്കുകയായിരുന്നു അദ്ദേഹം.
മസ്‌ക്കറ്റ് കെഎംസിസി കേന്ദ്ര കമ്മറ്റിയുടെ ജനറൽ കൗൺസിൽ യോഗം
ഇന്ന് ജുമുഅക്ക് ശേഷം അൽഖൂദിലെ ബൊളിവാർഡ് ഹോട്ടലിൽ ആരംഭിച്ചു. പ്രസിഡന്റ് റഹീസ് അഹമ്മദ് അധ്യക്ഷനായിരുന്നു. റഹീം വറ്റല്ലൂർ, സയ്യിദ് എ കെ കെ തങ്ങൾ, മുജീബ് കടലുണ്ടി തുടങ്ങിയവർ കഴിഞ്ഞ കാലയളവിലെ വിവിധ പ്രവർത്തന റിപ്പോർട്ടുകളും കണക്കും അവതരിപ്പിച്ചു.
മസ്കറ്റ് കേന്ദ്ര കമ്മറ്റിക്ക് കീഴിലുള്ള 33 ഏരിയാ കമ്മറ്റികളെയും പ്രതിനിധീകരിച്ചു കേന്ദ്ര കൗൺസിൽ അംഗങ്ങൾ വോട്ടെടുപ്പിൽ പങ്കെടുക്കും. റിട്ടേണിങ് ഓഫീസർ മാരായി സംസ്ഥാന മുസ്ലിം ലീഗ് പ്രതിനിധികൾ എം എൽ എ മാരായ ജ. ആബിദ് ഹുസൈൻ തങ്ങൾ, ജ. TV ഇബ്രാഹിം സാഹിബ് എന്നിവർ തിരഞ്ഞെടുപ്പ് നിയന്ത്രിക്കും. പുതിയ നേതൃത്വത്തെ ഇന്നറിയാം.
Also Read…
