യു എ ഇ യിൽ തന്നെ ഏറ്റവും വലിയ ഒരു ക്ഷേത്രത്തിന്റെ ഉൽഘാടനം അവിടെ നടക്കാൻ പോകുകയാണ്. സഹിഷ്ണുതാകാര്യ മന്ത്രാലയം എന്നൊരു വകുപ്പിനെ കുറിച്ചു തന്നെ അവർ അഭിമാനത്തോടെ പറയുന്നു. അതേസമയം നമ്മുടെ രാജ്യത്ത് ഫാസിസ്റ്റുകൾ പുതിയ പുതിയ പള്ളികളിൽ അവകാശവാദവുമായി വരുന്നു. രാജ്യത്തെ ജനങ്ങൾക്ക് ആത്മവിശ്വാസം നഷ്ടപ്പെടുന്നു. ആ രാജ്യത്തിൻറെ ജനങ്ങളിൽ ഭരണകൂടത്തിന്റെ താല്പര്യം കുറയുന്നു. എന്നാൽ ഭരണാധികാരികൾക്ക് അറിയാം തിരഞ്ഞെടുപ്പ് വരുമ്പോൾ ജനങ്ങളുടെ വോട്ട് നേടാൻ ചില പൊടികൈകൾ പ്രയോഗിച്ചാൽ മതി. നോട്ട് നിരോധനം നടത്തി രാജ്യത്തെ ജനങ്ങൾ മുഴുവനും വെറുക്കപ്പെട്ട ഒരു സമയത്തു , മാസങ്ങളോളം എ ടി എം കൾക്ക് മുമ്പിൽ എന്തിനാണ് ക്യൂ നിന്നതെന്നു ഇപ്പോഴും ആളുകൾക്ക് മനസ്സിലായിട്ടില്ല. ജി സ് ടി നടപ്പിലാക്കിയപ്പോൾ സകല സാധനങ്ങുടെയും വിലകൂടി, അത്രയേറെ വെറുക്കപ്പെട്ട ഒരു സാഹചര്യത്തിലും നരേന്ദ്ര മോഡി വീണ്ടും അധികാരത്തിൽ വന്നത് എങ്ങനെയാണെന്ന് അദ്ദേഹം ചോദിച്ചു. പുൽവാമയിലും ബാലക്കോട്ടിലും നടത്തിയ ആക്രമണ പ്രത്യാക്രമങ്ങൾ ഓരോ ഇന്ത്യക്കാരെയും ഭരണകൂടത്തിന്റെ കൂടെ നിർത്തി. മേഘങ്ങൾ വന്നാൽ റഡാര് കാണില്ല എന്ന മണ്ടൻ ആശയങ്ങൾ ആണ് മോദിയുടേത്. അത് നമ്മുടെ രാജ്യത്തെ ലോകത്തിന്റെ മുമ്പിൽ നാണം കെടുത്തി. പി ആർ ഏജൻസി കൽ അപ്പോഴും രാഹുൽ ഗാന്ധിയെ പപ്പു ആക്കാൻ ഉള്ള ബന്ധപ്പാടിൽ ആയിരുന്നു. മോദിയെ വിളിക്കാൻ പപ്പു എന്ന പദം പോലും മതിയാവുകയില്ലെന്ന് അദ്ദേഹം പരിഹസിച്ചു. അത്രയേറെ വിഢിത്തങ്ങൾ പറഞ്ഞുകൊണ്ട് ഇന്ത്യയെ ലോകത്തിന്റെ മുമ്പിൽ നാണം കെടുത്തിയിട്ടും ഇന്ത്യയിലെ ജനങ്ങൾ വീണ്ടും മോദിക്ക് വോട്ട് ചെയ്തു. ഗുജ്‌റാത്തിലൊക്കെ സ്ത്രീകൾ മോദിയുടെ ചിത്രം ശരീരത്തിൽ ടാറ്റുവായി പതിക്കുന്നു. കഴിഞ്ഞദിവസം നരേന്ദ്രമോദി ഒരു ചീറ്റയുമായി ഇറങ്ങി, അത് വലിയ പി ആർ വർക്കുകൾ. സവർക്കരിനെയും പട്ടേലിനെയും ഉയർത്തിക്കാണിക്കുന്നു,ഗ്യാൻ വാപിയെ കുറിച്ചു പറയുന്നു, നെഹ്രുവിനെയും ഗാന്ധിയെയും തമസ്കരിക്കുന്നു. അതൊരു രാഷ്ട്രീയ തന്ത്രമാണ്. സ്വാതന്ത്ര്യ സമരത്തിന്റെ ഭാഗമായാണ് സവർക്കർ ജയിലിൽ കിടന്നതെന്ന് എന്നാണു സംഘ പരിവാറുകൾ വ്യാപകമായി പ്രചരിപ്പിക്കുന്നത്. എന്നാൽ നമ്മളിൽ പലർക്കും സവർക്കർ എന്തിനാണ് ജയിലിൽ കിടന്നിട്ടുള്ളത് എന്ന് അറിയില്ല എന്നും അതിനു കാരണം നാം ചരിത്രം പഠിക്കാത്തത് കൊണ്ടാണെന്നും അദ്ദേഹം കൂട്ടിച്ചേർത്തു.