കോഫിഷോപ്പ് ഉൾപ്പെടെ 8 സ്ഥാപനങ്ങളിൽ ഇലക്ട്രോണിക് പേയ്‌മെന്റ് നിർബന്ധം
എട്ടു വിഭാഗം സാമ്പത്തിക ഇടപാടുകൾക്ക് ഇ പേമെൻറ് സംവിധാനം നിർബന്ധമാക്കി വാണിജ്യ,വ്യവസായ ,നിക്ഷേപക പ്രോത്സാഹന മന്ത്രാലയം ഉത്തരവിറക്കി . സ്വർണം , വെള്ളി അടക്കമുള്ളവ ഇപേമെന്റ് വിഭാഗത്തിൽ ഉൾപ്പെടുന്നുണ്ട്.
ഭക്ഷ്യോൽപന്നങ്ങളുടെ വിൽപന , സ്വർണം , വെള്ളി ആഭരണങ്ങളുടെ വിൽപന , റസ്റ്റാറൻറ് , കഫെ , പച്ചക്കറി , പഴം വ്യാപാരം , ഇലക്ട്രോണിക് ഉൽപന്നങ്ങളുടെ വ്യാപാരം , കെട്ടിട നിർമാണ ഉൽപന്നങ്ങളുടെ വ്യാപാരം , പുകയില വ്യാപാരം എന്നിവക്കാണ് ഇപേമെൻ നിർബന്ധമാക്കിയത് . വ്യവസായ മേഖല , കോംപ്ലക്സുകൾ , വാണിജ്യ കേന്ദ്രങ്ങൾ , ഗിഫ്റ്റ് മാർക്കറ്റ് എന്നിവിടങ്ങളിലെ എല്ലാ ഇടപാടുകൾക്കും ഇ പേമെന്റ് നിർബന്ധമാണ്.
ഈ വിഭാഗത്തിൽപെട്ട ഉൽപന്നങ്ങൾ വിൽപന നടത്തുന്ന സ്ഥാപന ങ്ങൾ എല്ലാ ഉപഭോക്താക്കൾക്കും ഇ പേമെൻറ് സൗകര്യം നൽകണമെന്നാണ് നിയമത്തിലുള്ളത്.
വരുന്ന 20 ദിവസ ത്തിനുള്ളിൽ ഇത്തരം സ്ഥാപനങ്ങളിൽ ഇ പേമെന്റ് സംവിധാനം നടപ്പാക്കണം.
നിയമം ലംഘിക്കുന്നവർക്ക് 100 റിയാൽ പിഴ ചുമത്തും . കഴിഞ്ഞ വർഷം മന്ത്രാലയം പുറത്തിറക്കിയ ഉത്തരവ് അനുസരിച്ച് ഈ വർഷം ജനുവരി ഒന്നു മുതൽ നിയമം നടപ്പാക്കുമെന്ന് നേരത്തേ പുറപ്പെടുവിച്ച ഉത്തരവിലുണ്ടായിരുന്നു.
സ്ഥാപനങ്ങൾക്ക് ഇ പേമെന്റ് മെഷീനുകൾ വേണ്ട സൗകര്യങ്ങൾ നൽകണ മെന്നും ഇവ ഇൻസ്റ്റാൾമെന്റ് അടിസ്ഥാനത്തിൽ നൽകാൻ സൗകര്യം ഒരുക്കണമെന്നും സെൻട്രൽ ബാങ്ക് മറ്റു ബാങ്കുകളോട് ആവശ്യപ്പെട്ടിരുന്നു .
